میڈیکل انشورنس میں کورونا کا علاج شامل

سعودی کوآپریٹو ہیلتھ انشورنس کونسل نے اطمینان دلایا ہے کہ نیا کورونا وائرس ’covid-19‘ اور اس جیسے دیگر تمام امراض کا علاج میڈیکل انشورنس سکیم میں شامل ہے۔

اس کے تحت طبی معائنہ،علاج کی تجویز، ادویات اور ایسے تمام مشینی خدمات فراہم کی جائیں گی جن سے انشورنس سکیم کو خارج نہ کیا گیا ہو۔

سعودی خبر رساں ادارے ایس پی اے کے مطابق کوآپریٹو ہیلتھ انشورنس کے ترجمان یاسر المعارک نے بتایا کہ ’کورونا وائرس میڈیکل انشورنس سکیم میں شامل ہے۔ جس طرح تنفس کے نظام پر حملہ آور کسی بھی قسم کے وائرس کا علاج میڈیکل انشورنس کے تحت کیا جاتا ہے کورونا وائرس اور اس جیسے ہر وائرس سے متاثر افراد کا علاج میڈیکل انشورنس کے تحت کیا جائے گا۔‘

مزید پڑھیں : سعودی شہریوں اور غیر ملکیوں کے عمرے پر پابندی عائد کر دی گئی

یاسر المعارک نے کہا کہ ’ہیلتھ انشورنس کونسل صحت خدمات فراہم کرنے والے تمام اداروں سے رابطے میں ہے۔ اس امر کی کوشش کی جا رہی ہے کہ میڈیکل انشورنس کرانے والوں کو مناسب ہیلتھ انشورنس سروس مہیا ہو ۔ اس سلسلے میں کسی قسم کی کوئی تاخیر نہ ہو۔ انشورنس کرانے والوں کو بہترین صحت خدمات بلا تاخیر فراہم کی جائیں۔‘ 

Website Comments

جواب دیجئے