میرا کے حکیم دادا، ’شکریہ ہنسنے کو دل کر رہا تھا‘

اپنے نرالے انداز کی وجہ سے خبروں میں رہنے والی اداکارہ میرا ایک بار پھر کچھ ایسا کر گئی ہیں کہ سوشل میڈیا صارفین کو ایک اچھا موقع ہاتھ آ گیا ہے اور بھانت بھانت کے تبصرے ہو رہے ہیں۔

میرا کے حکیم دادا، ’شکریہ ہنسنے کو دل کر رہا تھا‘
میرا کے حکیم دادا، ’شکریہ ہنسنے کو دل کر رہا تھا‘

اب کے کچھ یوں ہوا ہے کہ اداکارہ میرا ثمینہ پیرزادہ کو انٹرویو دے رہی ہیں جس میں وہ کہتی ہیں کہ ’میرا ددھیال سیالکوٹ سے ہے لیکن جو میرے دادا تھے وہ حکیم تھے، وہ آرمی کے پرسنل حکیم تھے‘ جس پر ثمینہ پیرزادہ ایک لمبا سا ’او‘ کہتی ہیں۔
اس کے بعد میرا کہتی ہیں ’اور قائد اعظم کے دور میں جب جنگ ہوئی تھی تو وہ جتنے بھی ہمارے سپاہی تھے تو جو زخمی ہوتے تھے ان کی مرہم پٹی کرتے تھے۔‘
سبوخ سید نامی ٹوئٹر ہینڈل سے یہ ویڈیو شیئر کی گئی تو لوگوں نے اس کو ری ٹویٹ کرنا شروع کیا جبکہ ساتھ ہی دلچسپ قسم کے تبصرے بھی سامنے آنا شروع ہوئے۔