امارات: تمام ویزوں کے اجرا پر عارضی پابندی

 متحدہ عرب امارات نے عارضی طور پر ہر قسم کے  ویزوں کے اجرا پر 17 مارچ سے پابندی عائد  کرنے کا اعلان کیا ہے۔ 

 سفارتی اہلکار پابندی سے مستثنی ہونگے ۔ اماراتی امیگریشن کی جانب سے جاری بیان میں کہا گیا ہے کہ’ پابندی کا نفاذ نئے کورونا وائرس سے بچاؤ کے لیے کیا جارہا ہے‘۔

امارات ٹوڈے کے مطابق عارضی   پابندی کے حوالے سے فاقی ادارہ برائے شہریت  و قومی شناخت کے ذرئع کا کہنا ہے کہ  عالمی ادارہ صحت کی جانب سے ’نئے کورونا ‘ وائرس کو  ’عالمی وبا‘ قراردینے کے بعد امارات میں ویزوں کے اجراپر عارضی پابندی عائد کی گئی ہےجو احتیاطی تدابیر کا حصہ ہیں۔

ذرائع نے مزید کہا کہ’ پابندی سے وہ افراد متاثر نہیں ہو نگے جن کے ویزے ’پابندی عائد ‘ کیے جانے والے فیصلے  یعنی سے 17 مارچ سے  قبل لگ چکے ہوں گے‘۔

دریں اثنا اماراتی سول ایوی ایشن کا کہنا ہے کہ’ 17 مارچ سے 4 ممالک سے فضائی سروس مکمل طور پر معطل کی جارہی ہے ۔ ان ممالک میں لبنان ، ترکی ، عراق اور شام شامل ہیں۔

کورونا وائرس کے خدشے کے پیش نظر چاروں ممالک سے تاحکم ثانی پابندی عائد کرنے کے فیصلے کے حوالے سے اماراتی سول ایوی ایشن نے تمام فضائی کمپنیوں کو مطلع کردیا ہے‘۔

POST A COMMENT.